Azərbaycan cüdoçuları Avropa çempionatında mübarizə aparacaqlar

Azərbaycan cüdoçuları 16–17 may tarixlərində Bosniya və Herseqovinanın paytaxtı Sarayevoda keçiriləcək kata üzrə Avropa çempionatında çıxış edəcəklər. 

Operativ Media xəbər verir ki, qitə yarışında kata üzrə son ölkə birinciliyinin qalibləri Famil Əsədov (tori) və Yusif Əhmədov (uke) ölkəmizi təmsil edəcəklər. Cüdoçularımız gənclər arasında “nage-no-kata” proqramı üzrə bacarıqlarını nümayiş etdirəcəklər. 

Qeyd edək ki, beynəlxalq turnirdə 26 ölkədən 346 idmançı mübarizə aparacaq.