Azərbaycan Premyer Liqasında 32-ci turun oyunları keçirilir.

Operativ Media xəbər verir ki, ikinci oyun günündə iki qarşılaşma baş tutub.

"Qarabağ" Tofiq Bəhramov adına Respublika stadionunda "İmişli"ni qəbul edib. Matç Ağdam təmsilçisinin 3-0 hesablı qələbəsi ilə başa çatıb.

"Turan Tovuz" isə "Şamaxı"nın qonağı olub. Görüş Ayxan Abbasovun yetirmələrinin 3-2 hesablı qələbəsi ilə yekunlaşıb.

Bu nəticələrdən sonra, sona 1 tur qalmış "Qarabağ" Avropa Liqasına, "Turan Tovuz" isə Konfrans Liqasına vəsiqəni rəsmiləşdirib.