XI Milli Marketinq Forumunun spikerləri bəlli oldu
Azərbaycanın marketinq ekosisteminin aparıcı platformalarından hesab olunan Milli Marketinq Forumu bu il “Facemark” şirkətinin təşkilatçılığı ilə 11-ci dəfə keçiriləcək.
Operativ Media xəbər verir ki, forum 6 iyun tarixində Bakı Konqres Mərkəzində iştirakçılarını bir araya gətirəcək.
Bu ilin forumu “AI işığında” konsepti ilə reallaşacaq. Tədbir çərçivəsində marketinq, kommunikasiya və biznes sahələrinin yerli və xarici ekspertləri çıxış edəcək, aktual mövzular ətrafında fikir mübadiləsi aparılacaq. Forumun əsas mövzusu süni intellektin biznes dünyasında yaratdığı yeni imkanlar, brendlərin kommunikasiya strategiyalarına təsiri və dəyişən istehlakçı gözləntiləri olacaq.
Forumun baş sponsoru ABB, Gold sponsoru “Times Consulting”, sponsoru “İnsure.az”, dəstəkçisi isə “Markup” şirkətidir.
Tədbirin proqramı çərçivəsində 3 əsas panel müzakirəsi keçiriləcək. “AI işığında brendlər”, “Marketinq kommunikasiyaları” və “Kreativ sənayenin təkamülü” panellərində sahənin aktual mövzuları və yeni dövrün yanaşmaları müzakirə olunacaq.
I Panel
Moderator: Aysel Süleymanova - Bakcell Kommunikasiya direktoru
Spiker: Əliyar Hüseynov - P&G Marketinq və Kommersiya Direktoru
Spiker: Orxan Məmmədov - CFI Financial Group Azərbaycan üzrə Marketinq Direktoru
Spiker: Əli Daşdəmirov - Profex Group Marketinq direktoru
Spiker: Vəfa Səfərli - ABB-nin Marketinq direktoru
II Panel
Moderator: Şaban İmkani - Bakı Metropoliteni QSC Kommunikasiya departamentinin rəisi
Spiker: Aslan Həsənli - Baku Electronics Marketinq departamentinin direktoru
Spiker: Sənubər Nəzərli -Veysəloğlu Şirkətlər Qrupu Korporativ Kommunikasiyalar üzrə Qrup direktoru
Spiker: Natəvan Bayramova - Referans Medical Group Marketinq və Kommunikasiya departamentinin rəhbəri
Spiker: Nigar Məmmədova – Birbank, FinTech biznesi üzrə marketinq rəhbəri
Spiker: Arzu Salman - Gardashlar Mebel Marketinq və Kommunikasiya departamenti direktoru
Spiker: Ramin Fərəcullayev - Başkent Marketinq Rəhbəri
III Panel
Moderator: Fərhad Şabanov - Endorphin Partnyor/İcraçı direktor Cannes Lions Festivalın Azərbaycan üzrə rəsmi nümayəndəsi
Spiker: Zaur Məmmədvəliyev - Rejissor Kreativ prodüser
Spiker: Sarvan Hüseyn - Kinorejissor və fotoqraf, retuşçu Süni intellekt üzrə mütəxəssis
Spiker: Fariz Əliyev - Prodüser \ Ssenarist
Spiker: Pərviz İsaqov (Promete) - mikpro Musiqi Yayım Şirkəti Həmtəsisçi, Reper, Musiqi Prodüseri
ABB-nin AI solutions komandasında baş məhsul sahibi Şəfiqə Aydəmirli və Bolt şirkətinin Biznes vertikalı (Bolt Business) üzrə rəhbəri Salman Babazadə Jr. forumda məruzəçi qismində çıxış edəcəklər.
Qeyd edək ki, forum üçün əldə olunan biletlər iştirakçılara “Bloger və İnfluenserlər Forumu”nda da iştirak imkanı yaradır. Eyni məkanda və eyni gündə keçiriləcək hər iki tədbir iştirakçılara həm marketinq dünyasının peşəkar tərəfini, həm də rəqəmsal kontent və influenser ekosistemini bir arada kəşf etmək fürsəti təqdim edəcək.
Artıq 11 ildir keçirilən Milli Marketinq Forumu ölkəmizdə marketinq və kommunikasiya sahəsinin ən nüfuzlu platformalarından biri olaraq fəaliyyətini davam etdirir. Forum hər il sektorun aparıcı mütəxəssislərini, biznes nümayəndələrini və gənc peşəkarları bir araya gətirərək yeni baxışların, faydalı əlaqələrin və innovativ ideyaların yaranmasına imkan yaradır.
Milli Marketinq Forumu illər ərzində özünü yalnız tədbir deyil, həm də sahənin inkişafına istiqamət verən önəmli bir görüş nöqtəsi kimi təsdiqləyib.
Biletləri əldə etmək üçün millimarketinqforumu.azsaytına daxil ola bilərsiniz.
