Azərbaycanda boşanmaların sayı azalıb

Dövlət Statistika Komitəsinin məlumatına əsasən, 2025-ci il ərzində ölkədə 48 min 546 nikah və 20 min 675 boşanma halı qeydə alınıb.

Operativ Media xəbər verir ki, bu barədə Milli Məclisin Ailə, qadın və uşaq məsələləri komitəsinin bu gün keçirilən iclasında müzakirəyə çıxarılan “Azərbaycan Respublikasının Ailə, Qadın və Uşaq Problemləri üzrə Dövlət Komitəsinin 2025-ci il üzrə Məlumatı”nda qeyd olunub.

Qeyd olunub ki, boşanmaların sayında xüsusilə 2023–2025-ci illərdə azalma müşahidə olunub. 2024-cü ildə 21 min 384 boşanma qeydə alınıb.