Portuqaliya millisinin DÇ-2026 üçün yekun heyəti açıqlandı
Portuqaliya millisi ABŞ, Kanada və Meksikada keçiriləcək 2026-cı il dünya çempionatı üçün heyətini açıqlayıb.
Operativ Media xəbər verir ki, siyahıda "Əl-Nəsr"in 41 yaşlı hücumçusu Kriştianu Ronaldo da yer alıb. Bu, onun karyerasındakı altıncı dünya çempionatı olacaq.
Ronaldodan başqa, Portuqaliya yığmasının yekun heyətinə daha 26 futbolçu daxil edilib. Onların arasında "Milan"ın vingeri Rafael Leau, "Mançester Yunayted"in yarımmüdafiəçisi Bruno Fernandeş və PSJ-nin oyunçusu Vitinya da var.
Portuqaliya millisinin dünya çempionatı üçün yekun heyəti belədir:
Qapıçılar: Dioqu Koşta, Joze Sa, Ruy Silva, Rikardu Velyu.
Müdafiəçilər: Dioqu Dalot, Mateus Nunyeş, Nelson Semedu, Joao Kanselu, Nuno Mendeş, Qonsalu İnasiu, Renatu Veyqa, Ruben Diaş, Tomaş Arauju.
Yarımmüdafiəçilər: Ruben Neveş, Samuel Koşta, Joao Neveş, Vitinya, Bruno Fernandeş, Bernardo Silva.
Hücumçular: Joao Feliks, Fransişku Trinkau, Fransişku Konseysau, Pedru Netu, Rafael Leau, Qonsalu Gedeş, Qonsalu Ramuş, Kriştianu Ronaldu.
DÇ-2026 iyunun 11-dən iyulun 19-na dək Meksika, ABŞ və Kanadada keçiriləcək. Qrup mərhələsində Portuqaliya yığması DR Konqo, Özbəkistan və Kolumbiya ilə qarşılaşacaq.
