Rodri "Real Madrid"ə transfer olmaq istəyir

"Mançester Siti"nin yarımmüdafiəçisi Rodri yay transfer pəncərəsində karyerasını "Real"da davam etdirə bilər.

Operativ Media "Marca" nəşrinə istinadən xəbər verir ki, 29 yaşlı ispaniyalı futbolçu, baş məşqçi Xosep Qvardiolanın yayda "Siti"dən ayrılacağı bəlli olduqdan sonra Madrid klubuna keçməkdə şəxsən maraqlıdır. Oyunçunun hazırkı müqaviləsi 2027-ci ilə qədər nəzərdə tutulub. "Transfermarkt" portalı futbolçunun dəyərini 65 milyon avro qiymətləndirir.

Rodri bu mövsüm bütün turnirlərdə ümumilikdə 33 oyuna çıxıb və 2 qol vurub.