İspaniya millisinin üzvü əməliyyat olundu
"Barselona"nın yarımmüdafiəçisi Fermin Lopes əməliyyat olunub və dünya çempionatında iştirak etməyəcək.
Operativ Media xəbər verir ki, bu barədə insayder Fabrisio Romano məlumat yayıb.
Yarımmüdafiəçi mayın 17-də, İspaniya çempionatının 37-ci turunda "Betis"lə keçirilən oyunda (3:1) sağ ayağının beşinci daraq sümüyünün sınığı xəsarətini alıb. O, İspaniya millisinin DÇ-2026 üçün genişləndirilmiş heyətinə daxil edilmişdi.
Turnir iyunun 11-dən iyulun 19-na qədər ABŞ, Kanada və Meksikada keçiriləcək. İspaniya H qrupunda Kabo-Verde, Səudiyyə Ərəbistanı və Uruqvayla qarşılaşacaq.
23 yaşlı Lopes 2023-cü ilin iyulundan "Barselona"da çıxış edir. O, klubun heyətində iki dəfə İspaniya çempionu olub (2025, 2026), ölkə kubokunu (2025) və Superkubokunu (2026) qazanıb. Yarımmüdafiəçi 2024-cü ildə İspaniya millisinin heyətində Olimpiya və Avropa çempionu adını qazanıb.
