Zəngəzur dəhlizi yükdaşımaların həcmini 50 milyon ton artıra bilər

Zəngəzur dəhlizinin yaradılması və nəqliyyat infrastrukturunun inkişafı Azərbaycan vasitəsilə yükdaşımaların həcmini ildə təxminən 50 milyon ton artıra bilər.

Operativ Media xəbər verir ki, bu barədə Azərbaycan Prezidentinin Cəbrayıl, Qubadlı və Zəngilan rayonlarında xüsusi nümayəndəsi Vahid Hacıyev Bakıda WUF13 çərçivəsində "Dirçəliş və urbisid: davamlı şəhər inkişafı və dayanıqlı icmalar" mövzusuna həsr olunmuş tədbirdə çıxışı zamanı bildirib.

"Zəngəzur dəhlizinin reallaşdırılması regionda dairəvi dəmir yolu şəbəkəsi yaradacaq və Azərbaycanın yükdaşıma üzrə illik buraxılış qabiliyyətini təxminən 50 milyon ton artıracaq", - o qeyd edib.