DTX rəisi MDB-yə üzv dövlətlərin təhlükəsizlik orqanları rəhbərlərinin iclasında iştirak edib

Dövlət Təhlükəsizliyi Xidmətinin rəisi, general-polkovnik Əli Nağıyev MDB-yə üzv dövlətlərin təhlükəsizlik və xüsusi xidmət orqanları rəhbərləri Şurasının 58-ci iclasında iştirak edib.

Operativ Media xəbər verir ki, bu barədə Dövlət Təhlükəsizliyi Xidmətinin Mətbuat xidməti məlumat yayıb.

Bildirilib ki, iclas zamanı üzv dövlətlər arasında təhlükəsizlik sahəsində əməkdaşlığın genişləndirilməsi, regional və beynəlxalq təhlükələrə qarşı birgə mübarizə məsələləri müzakirə olunub.