Minifutbol üzrə Azərbaycan millisi İtaliya ilə qarşılaşacaq

Minifutbol üzrə Azərbaycan millisi Slovakiyada keçirilən Avropa çempionatında növbəti oyununu bu gün keçirəcək.

Operativ Media xəbər verir ki, Elşad Quliyevin baş məşqçisi olduğu kollektiv F qrupundakı ikinci matçında İtaliya seçməsi ilə üz-üzə gələcək.

“Tipos Arena”da matç Bakı vaxtı ilə saat 17:45-də start götürəcək.

Azərbaycan komandası ötən gün ilk turda Avstriyanı minimal hesabla üstələyib – 1:0. İtaliya isə Fransa ilə heç-heçə edib – 0:0.

Xatırladaq ki, Azərbaycan millisi mayın 30-da Fransa ilə qarşılaşacaq.