Azərbaycan millisi Fransanı məğlub etdi

Slovakiyanın paytaxtı Bratislavada təşkil olunan minifutbol üzrə Avropa çempionatında qrup mərhələsinin 3-cü turunun oyunları keçirilir.

Operativ Media xəbər verir ki, bu gün Azərbaycan millisi Fransa ilə üz-üzə gəlib. Qarşılaşma Elşad Quliyevin rəhbərlik etdiyi kollektivin 3:2 hesablı qələbəsi ilə başa çatıb.

Yığmamızın heyətində Elvin Əlizadə ilə Ramiz Çovdarov fərqləib. Digər qolu isə rəqib öz qapısına vurub.

Xallarını 9-a yüksəldən millimiz 1/8 finala yüksəlib. Azərbaycan seçməsi bu raundda Qazaxıstanla qarşılaşacaq.