"Real Madrid" Joze Mourinyonu açıqladı - RƏSMİ

İspaniya La Liqasının nəhəngi "Real Madrid" portuqaliyalı mütəxəssis Joze Mourinyonun baş məşqçi təyin olunduğunu rəsmən elan edib.

Operativ Media xəbər verir ki, 63 yaşlı mütəxəssislə 3 illik müqavilə imzalanıb.

İspaniya klubunun yaydığı rəsmi bəyanatda bildirilir: "Real Madrid" klubunun Direktorlar Şurası bu gün, 11 iyun Florentino Peresin rəhbərliyi ilə keçirilən iclasda Joze Mourinyonun növbəti üç mövsüm üçün əsas komandanın baş məşqçisi təyin edilməsinə qərar verib. Onunla imzalanan müqavilə 30 iyun 2029-cu il tarixinədək qüvvədə olacaq. Joze Mourinyo iyulun 13-də, mövsümöncesi hazırlıq düşərgəsinin ilk günündə "Real Madrid"dəki vəzifəsinin icrasına başlayacaq".