Ağdam rayonunun Qaradağlı kəndində mağazaya ildırım düşməsi nəticəsində baş vermiş yanğın söndürülüb.

Operativ Media xəbər verir ki, yanğının yaxınlıqdakı evə keçməsinin qarşısı alınıb.

09:08

Ağdam rayonunda mağazaya düşən ildırım yanğına səbəb olub.

Operativ Media xəbər verir ki, hadisə səhər saatlarında rayonun Qaradağlı kəndində qeydə alınıb.

Məlumata görə, ildırım kənd sakini Fikrət Soltan oğlu İbadova məxsus mağazaya düşüb.

Nəticədə mağazada yanğın başlayıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları, həmçinin yanğınsöndürmə texnikaları cəlb olunub. 

Operativ müdaxilə nəticəsində alovun yaxınlıqdakı yaşayış evinə keçməsinin qarşısı alınıb.

Hazırda yanğının tam söndürülməsi istiqamətində tədbirlər davam etdirilir. Hadisənin təfərrüatları və dəymiş ziyanın həcmi araşdırılır.