Azərbaycanın Xarici İşlər Nazirliyi (XİN) Silahlı Qüvvələr Günü ilə bağlı paylaşım edib.

Operativ Media xəbər verir ki, bu barədə XİN-in rəsmi "X" hesabında paylaşım edilib.

"26 İyun – Silahlı Qüvvələr Günü münasibətilə Azərbaycan Silahlı Qüvvələrinin bütün hərbi qulluqçularını, veteranlarını və Silahlı Qüvvələrimizin sıralarında xidmət edən hər kəsi səmimi-qəlbdən təbrik edirik.

Ali Baş Komandanın rəhbərliyi altında Müzəffər Azərbaycan Ordusu ölkəmizin müstəqilliyinin, suverenliyinin və ərazi bütövlüyünün etibarlı təminatçısıdır. 

Vətənə sədaqətlə xidmət edən hərbi qulluqçularımızın qəhrəmanlığı, peşəkarlığı və fədakarlığı xalqımızın qürur mənbəyidir.

Bu əlamətdar gün münasibətilə bütün hərbi qulluqçularımıza möhkəm cansağlığı, xidmətdə uğurlar və yeni nailiyyətlər arzulayır, Vətən uğrunda canlarından keçmiş şəhidlərimizin əziz xatirəsini dərin ehtiramla yad edirik.

Bayramımız mübarək!", - deyə paylaşımda qeyd olunub.