PSJ kotdivuarlı futbolçu üçün 100 milyon avro verməyə hazırlaşır

Fransa təmsilçisi PSJ "Leypsiq"in futbolçusu Yan Diomande ilə şəxsi şərtlərdə razılığa gəlib.

Operativ Media xəbər verir ki, bu haqda insayder Fabrizio Romano məlumat yayıb.

Mənbənin bildirdiyinə görə, Premyer Liqa klublarının təkliflərinə "yox" deyən Diomande Paris klubu ilə 5 illik müqavilə imzalamağa qərar verib.

​"Liverpul"un 90+10 milyon avroluq rəsmi təklifini geri çevirən "Leypsiq" bu yay Diomandeni satmaq üçün 100 milyon avrodan çox məbləğ tələb edir. Almaniya klubu Fransa klubuna maraqlı bir variant da təklif edib. Təklifə əsasən, PSJ futbolçunu bu yay transfer edə bilər, lakin Diomande 2027/2028-ci illər mövsümünün startına qədər icarə əsasında Almaniyada qalmalıdır. Keçidlə bağlı son qərarı artıq klublar verəcək.