"Qəbələ" kot-d`ivuarlı müdafiəçi transfer etdi

“Qəbələ” heyətinə yeni futbolçu cəlb edib. 

Operativ Media klubun mətbuat xidmətinə istinadən xəbər verir ki, bölgə təmsilçisi kot-d`ivuarlı sol cinah müdafiəçisi Kouya Mabena ilə 1+1 illik müqavilə bağlayıb. 

27 yaşlı futbolçu son olaraq Maltanın “Floriana” klubunda çıxış edib. 

O, buna qədər “Vesterlo” (Belçika), “UTA Arad” (Rumıniya), “Hapoel Hadera”, “Hapoel Rişon LeZion” (hər ikisi İsrail) komandalarının da şərəfini qoruyub.