Yardımlıda U-14 və U-17 cüdoçular arasında Cənub bölgə birinciliyi keçiriləcək

3–4 iyul tarixlərində U-14 və U-17 yeniyetmələr arasında Cənub bölgəsi üzrə region birincilikləri keçiriləcək.

Operativ Media xəbər verir ki, Yardımlı Olimpiya İdman Kompleksində keçiriləcək yarışlarda ümumilikdə 126 cüdoçu mübarizə aparacaq.

Turnirlərin keçirilməsində əsas məqsəd yeniyetmə cüdoçular bazasını formalaşdırmaq, kvota əsasında ölkə birinciliyinə vəsiqə qazanacaq idmançıları müəyyənləşdirməkdir.

U-17 kateqoriyası üzrə nəticələr, eyni zamanda, milli komandanın heyətinə seçim üçün vacib reytinq xalları qazandıracaq.