​Operativ Media xəbər verir ki, finiş fitindən sonra emosiyalarını cilovlaya bilməyən 35 yaşlı hücumçu diz çökərək göz yaşlarına qərq olub.

"Kədərliyəm, amma eyni zamanda daxilən rahatam, çünki Ekvador millisinə hər zaman sadiq qalmışam. Bu, milli komandadakı son oyunum idi. Hamı ilə vidalaşdım. Çox qəmli bir gündür, vidalaşmağımın məhz bu cür olmasını istəməzdim", – deyə "El Comercio" Valensiyanın sözlərindən sitat gətirib.

​Valensiya 2012-ci ildən Ekvador yığmasında çıxış edirdi. O, keçirdiyi 109 oyunda 49 qol vurub və 15 məhsuldar ötürmə edib. Futbolçunun aktivində, həmçinin 15 sarı və 2 qırmızı vərəqə var.