Klopp Almaniya milli komandasına rəhbərlik etməyə razıdır

Almaniya Futbol İttifaqı (DFB) Yurgen Klopp ilə Almaniya milli komandasına rəhbərlik etmək imkanını müzakirə etmək üçün danışıqlara başlayacaq.

Operativ Media xəbər verir ki, bu barədə DFB-nin mətbuat xidməti məlumat yayıb.

​Bildirilir ki, "Liverpul" və "Borussiya"nın keçmiş baş məşqçisi milli komandada işə başlamağa hazırdır.

​Qeyd edək ki, iyulun 3-də Almaniya millisinin 2026-cı il dünya çempionatını tərk etməsindən sonra Yulian Nagelsmannın istefaya getdiyi məlum olub. İyunun 29-da almanlar DÇ-2026-nın 1/16 final mərhələsində Paraqvaya məğlub olublar (1:1, penaltilər seriyası – 3:4).

​59 yaşlı Klopp 2024-cü ildə "Liverpul"dan ayrılıb. O, 2025-ci ildən "Red Bull" şirkətində məsləhətçi kimi fəaliyyət göstərir.