Fransa millisinin hücumçusu Kilyan Mbappe, argentinalı Lionel Messi və norveçli Erlinq Holann 2026-cı il dünya çempionatının startından etibarən hərəyə yeddi qol vurublar.

Operativ Media ​xəbər verir ki, bununla da Mbappe, Messi və Holann DÇ-2026-nın bombardirlər yarışında 1–3-cü yerləri bölüşdürürlər. Dünya çempionatları tarixində ilk dəfədir ki, eyni turnirdə üç oyunçu minimum yeddi qola imza atır.

​Bundan əvvəl yalnız iki turnirdə üç və ya daha çox futbolçu ən azı altı qol vura bilmişdi. DÇ-1954-də macarıstanlı Şandor Koçiş (11 qol), isveçrəli Yozef Hügi, almaniyalı Maks Morlok və avstriyalı Erix Probst (hər biri altı qol), DÇ-1958-də isə fransalı Jüst Fonten (13 qol), braziliyalı Pele və almaniyalı Helmut Ran (hər biri altı qol) bu göstərici ilə yadda qalmışdılar.