"İmişli" Fərid Nəbiyevi heyətinə qatdı

📢Xoş gəldin, Fərid! 

"İmişli" PFK heyətini yeni transferlə gücləndirib.

Operativ Media klubun mətbuat xidmətinə istinadən xəbər verir ki, bölgə təmsilçisi 26 yaşlı yarımmüdafiəçi Fərid Nəbiyevlə 1 illik müqavilə imzalayıb.

Fərid karyerası ərzində "Slavia Praqa", "Viktoria Zizkov", "Kəpəz", "Turan Tovuz" və "Səbail" klublarının formasını geyinib, istedadı və peşəkarlığı ilə diqqət çəkib. O, son olaraq "Kəpəz" klubunun uğurları üçün mübarizə aparıb.

Yeni mövsümdən etibarən Fərid Nəbiyev "İmişli" PFK-nın şərəfini qoruyacaq.