"İmişli" daha bir transferini açıqladı

“İmişli" PFK heyətini növbəti transferlə gücləndirib.

Operativ Media klubun mətbuat xidmətinə istinadən xəbər verir ki, bölgə təmsilçisi Azərbaycan milli komandasının üzvü, 29 yaşlı mərkəz müdafiəçisi Bəxtiyar Həsənalızadə ilə 1 illik müqavilə imzalayıb.

Karyerası ərzində "Sumqayıt", "Zirə", "Sabah" və Türkiyənin "Tuzlaspor" klublarında uğurlu çıxış edən Bəxtiyar son olaraq "Araz-Naxçıvan"ın formasını geyinib.

Təcrübəli müdafiəçi yeni mövsümdə "İmişli" PFK-nın uğurları üçün mübarizə aparacaq.