AFFA UEFA B məşqçilik kursuna sənəd qəbulunu elan edib
Azərbaycan Futbol Federasiyaları Assosiasiyası (AFFA) UEFA C kateqoriyasını uğurla tamamlayan və bu sahədə təcrübəsini artıraraq daha sistemli fəaliyyət göstərmək istəyən mütəxəssislər üçün UEFA B məşqçilik kursuna qəbul prosesinə başlayıb.
Operativ Media xəbər verir ki, UEFA-nın Məşqçilik Konvensiyasının tələblərinə uyğun təşkil edilən bu proqram iştirakçıların nəzəri biliklərini artırmaqla yanaşı, həm də real oyun və məşq prosesində praktiki vərdişlərini təkmilləşdirməyə xidmət edir.
Məşqçilik təhsilinin növbəti mərhələsində iştirak etmək istəyənlər üçün müraciətlər elektron ərizə forması vasitəsilə qəbul olunur. İlkin baxış mərhələsindən keçən namizədlər daha sonra xüsusi seçim testlərinə cəlb ediləcəklər.
Bütün mərhələləri uğurla başa vuran və müvafiq sənədləşmə tələblərini yerinə yetirən iddiaçılar kursda iştirak etmək imkanı qazanacaqlar. Proqrama qoşulmaq istəyən şəxslər 26 iyul 2026-cı il tarixinədək elektron qaydada müraciət edə bilərlər.
