Futbol üzrə İspaniya milli komandasının baş məşqçisi Luis de la Fuente Dünya Çempionatının mükafatlandırma mərasimində ABŞ Prezidenti Donald Tramp ilə aralarında keçən söhbətin detallarını bölüşüb.

​Operativ Media xəbər verir ki, təcrübəli mütəxəssis jurnalistin sualını cavablandırarkən ABŞ rəhbərinin onu qazanılmış çempionluq münasibətilə təbrik etdiyini bildirib. De la Fuentenin sözlərinə görə, Tramp İspaniya seçməsinin turnir boyu nümayiş etdirdiyi oyunla bu titula layiq olduğunu vurğulayıb.

​Baş məşqçi qeyd edib ki, dialoq zamanı Donald Tramp zarafatla ona ABŞ yığmasına rəhbərlik etməyi və komandanı ilk Dünya Kubokuna daşımağı təklif edib. Təklifə görə təşəkkürünü bildirən ispan çalışdırıcı, hazırda bütün diqqətini doğma komandasına yönəltdiyini və İspaniya millisinə rəhbərlik etməyin karyerasının ən böyük şərəfi olduğunu diqqətə çatdırıb.

​Sonda Luis de la Fuente bu cür hörmətə əsaslanan dialoqların futbolun gözəl bir parçası olduğunu və başqa ölkələrin də İspaniya millisinin uğurunu yüksək qiymətləndirməsindən məmnunluq duyduğunu əlavə edib.