"Tottenhem" Premyer Liqa tarixinə düşdü
İngiltərə Premyer Liqası (APL) tarixində ilk dəfə olaraq eyni klubun təmsilçiləri ardıcıl üç Dünya Çempionatının qalibi adını qazanıblar.
Operativ Media xəbər verir ki, bu tarixi uğur Londonun "Tottenhem" klubuna məxsusdur. ABŞ-nin İst-Raterford şəhərindəki "Metlayf-stediom" arenasında iyulun 19-da keçirilən DÇ-2026-nın finalında İspaniya millisi əlavə vaxtda Argentina seçməsini 1:0 hesabı ilə məğlub edib. İspaniya yığmasının heyətində dünya çempionu olan müdafiəçi Pedro Porro klub səviyyəsində məhz London təmsilçisinin şərəfini qoruyur.
Qeyd edək ki, "Tottenhem"in digər futbolçuları da son dünya çempionatlarında analoji uğura imza atıblar. Belə ki, DÇ-2022-nin qalibi olan Argentina millisinin heyətində müdafiəçi Kristian Romero, DÇ-2018-də isə Fransa yığması ilə çempionluq sevinci yaşayan qapıçı Uqo Lyoris turnir zamanı London klubunun heyətində çıxış ediblər.
Xatırladaq ki, bu tarixi nailiyyətə baxmayaraq, "Tottenhem" Premyer Liqanın 2025/2026-cı illər mövsümünü 41 xalla turnir cədvəlinin 17-ci pilləsində başa vurub.
