Kiyev "Dinamo"sunun baş məşqçisi İqor Kostyuk Konfrans Liqasının III təsnifat mərhələsinin ilk matçında "Qarabağ"a 1:0 hesabı ilə qalib gəldikləri oyundan sonra fikirlərini bölüşüb.

​Operativ Media xəbər verir ki, mütəxəssis Ukrayna çempionatının açılışında "Veres"ə qarşı keçiriləcək oyunun "Qarabağ"la cavab qarşılaşmasına hazırlığa təsiri barədə sualı cavablandırıb.

​O qeyd edib ki, komandanın geniş heyəti var və daxili çempionatdakı matç futbolçulara özünəinam verəcək, həmçinin arzulanan nəticəni necə əldə etməyi daha yaxşı anlamağa kömək edəcək. Kostyuk yetirmələrinin gərgin görüş keçirdiyini vurğulayıb və bildirib ki, oyunçular qələbə üçün tələb olunan məsuliyyəti dərk etməlidirlər. Baş məşqçi komandanın inkişaf edərək yeni uğurlar qazanacağına inandığını ifadə edib.

​Qeyd edək ki, tərəflər arasında Bakıda keçiriləcək cavab qarşılaşması avqustun 13-də baş tutacaq.