İran İslam Respublikası ölkənin müdafiə olunmasına tam hazır vəziyyətdə qalmaqla yanaşı, vasitəçilər vasitəsilə ABŞ-lə danışıqlar prosesini davam etdirir.

​Operativ Media xəbər verir ki, bu barədə İranın Tailanddakı səfiri Nəsrəddin Heydəri TASS agentliyinə müsahibəsində bildirib.

​Diplomat qeyd edib ki, dialoqun uğuru qarşı tərəfin öhdəliklərinə nə dərəcədə sadiq qalmasından asılıdır. Onun sözlərinə görə, Tehran üçün diplomatiya əsas prioritet olaraq qalsa da, ölkə hər zaman öz sərhədlərini qorumağa hazırdır.

​Xatırladaq ki, fevralın 28-də ABŞ və İsrail İrana qarşı hərbi əməliyyatlara başlayıb. İyun ayında Vaşinqton və Tehran bütün cəbhələrdə döyüş əməliyyatlarının 60 gün müddətinə dayandırılmasını nəzərdə tutan anlaşma memorandumu imzalayıblar. Daha sonra sənədin icrası ilə əlaqədar İsveçrənin Bürgenstok şəhərində Doha və İslamabadın vasitəçiliyi ilə ABŞ-İran görüşləri baş tutub. Lakin iyulun 8-nə keçən gecə ABŞ tərəfi Tehranı Hörmüz boğazı istiqamətində əldə olunan razılaşmaların şərtlərini pozmaqda ittiham edərək İrana qarşı irimiqyaslı zərbələri bərpa edib.