İtaliyanın "Yuventus" klubu "Bolonya"nın müdafiəçisi Con Lukumini transfer etdiyini rəsmən açıqlayıb.

​Operativ Media xəbər verir ki, 28 yaşlı futbolçu Turin təmsilçisi ilə 2030-cu ilin yayına qədər nəzərdə tutulan müqavilə imzalayıb. "Transfermarkt" portalının qiymətləndirməsinə əsasən, bu keçid 20 milyon avroya baş tutub.

​Təcrübəli oyunçu 2025/26 mövsümündə bütün turnirlərdə 43 matçda meydana çıxaraq 1 qol və 1 məhsuldar ötürmə ilə yadda qalıb. O, həmçinin Kolumbiya millisinin heyətində 2026-cı il dünya çempionatında 5 qarşılaşmada iştirak edib.