Türkiyə və Somali hərbçiləri piratların ələ keçirdiyi gəmini azad ediblər

Türkiyə və Somali hərbçilərinin keçirdiyi 10 günlük birgə əməliyyat nəticəsində piratların ələ keçirdiyi "MV Lutuf" gəmisi azad olunub.

Operativ Media xarici KİV-ə istinadən xəbər verir ki, avqustun 17-də Somalinin Puntlend ştatı yaxınlığında hücuma məruz qalan Kamerun bayraqlı yük gəmisində 10 nəfərlik heyət (6 Hindistan, 2 Serbiya, 1 Türkiyə və 1 Gürcüstan vətəndaşı) olub.

Əməliyyat zamanı 14 pirat və 4 kater məhv edilib, hərbçilər arasında itki olmayıb. Hazırda gəmi hərəkətini bərpa edib və vəziyyət tam nəzarət altındadır.