Agentlik: 35 nömrəli peşə məktəbinin sökülməsi ilə bağlı məlumatlar həqiqəti əks etdirmir

Sumqayıt şəhərində yerləşən 35 nömrəli peşə məktəbi ilə bağlı bəzi media resurslarında yayılan məlumatlarla əlaqədar Peşə Təhsili üzrə Dövlət Agentliyi açıqlama yayıb.

Operativ Media-ya bu barədə Peşə Təhsili üzrə Dövlət Agentliyindən məlumat verilib.

"Məlumat üçün bildiririk ki, peşə məktəbinin sökülərək ərazidə yaşayış binasının inşa ediləcəyi ilə bağlı yayılan məlumatlar həqiqəti əks etdirmir.

Sözügedən ərazidə mövcud peşə təhsili infrastrukturunun yenilənməsi və müasir standartlara cavab verən yeni peşə təhsili müəssisəsinin inşası planlaşdırılır", - açıqlamada qeyd edilib.