İngiltərənin baş nazirinin “Mançester Siti” rəhbərliyi ilə əlaqələri açıqlanıb
Böyük Mançester Birləşmiş İdarəsi (GMCA) İngiltərənin baş naziri Endi Börnhemin regionun meri olduğu dövrdə “Mançester Siti” klubunun İdarə Heyətinin sədri Xaldun Əl Mübarəklə əlaqələri barədə məlumat yayıb.
Operativ Media xəbər verir ki, 2021-ci ilin oktyabrında Börnhəm Böyük Britaniya hökumətinin Qlobal İnvestisiya Sammiti çərçivəsində Əl Mübarəklə rəsmi görüş keçirib. 2019-cu ilin sentyabrında isə onlar Vensan Kompaninin vida matçı zamanı tribunada qeyri-rəsmi söhbət ediblər.
Börnhem klubun dəvəti ilə bir neçə dəfə “Mançester Siti”nin ev oyunlarını da izləyib. GMCA-dan bildirilib ki, bu səfərlər müvafiq qaydada bəyan edilib. Klubun əməkdaşları, həmçinin merin Çin və Yaponiyaya səfər edən nümayəndə heyətlərinin səfərlərinin təşkilində iştirak ediblər.
Məlumat Börnhemin “Mançester Siti” rəhbərliyi ilə əlaqələri barədə məlumatları açıqlayacağına söz verməsindən sonra dərc olunub.
Daha əvvəl müstəqil komissiya klubu 2009/10–2017/18 mövsümlərində İngiltərə Premyer Liqasının maliyyə qaydalarını pozmaqda, eləcə də istintaqla əməkdaşlıqdan imtina ilə bağlı ittihamların əksəriyyəti üzrə təqsirli bilib. “Mançester Siti” pozuntuları qəbul etmir və oktyabrın 2-də qərardan apellyasiya şikayəti verib.
“Mançester Siti” 2008-ci ildən şeyx Mənsurun nəzarətində olan struktura məxsusdur. Həmin vaxtdan etibarən komanda səkkiz dəfə İngiltərə çempionu olub və UEFA Çempionlar Liqasının qalibi adını qazanıb.
