Fransada zərgərlik fabrikindən 50 kq-a qədər qızıl oğurlanıb

Fransanın Besanson şəhərində beş naməlum silahlı şəxs zərgərlik fabrikinin emalatxanasından 50 kq-a qədər qızıl oğurlayıb.

Operativ Media xəbər verir ki, bu barədə "FranceInfo" televiziyası məlumat yayıb.

Bildirilib ki, qarətçilər 20-50 kq arasında qızıl, eləcə də zərgərlik əşyaları oğurlayıblar.

Televiziya kanalının məlumatına görə, soyğunçular bir neçə dəfə atəş açıb və fabrikin işçilərindən birini vurublar. 

Hadisə ilə bağlı araşdırma aparılır.