Şimali Koreya Yapon dənizi istiqamətində naməlum mərmi buraxıb

Şimali Koreyanın Yapon dənizi istiqamətində naməlum mərmi buraxdığı iddia olunur.

Operativ Media xəbər verir ki, bu barədə “Yonhap” agentliyi Cənubi Koreya hərbi dairələrinə istinadən məlumat yayıb.

Cənubi Koreya Silahlı Qüvvələrinin Birləşmiş Qərargah Rəisləri Komitəsi mərminin uçuş trayektoriyasına dair məlumatları təhlil edir.

Qeyd edək ki, Cənubi Koreya hərbçiləri oktyabrın 29-da da Şimali Koreyanın Yapon dənizi istiqamətində naməlum mərmi buraxdığını bildirmişdilər. Daha sonra həmin buraxılışın qısamənzilli ballistik raketlərə aid olduğu açıqlanmışdı.