Sabah Astanada Suriya üzrə dördtərəfli görüş keçiriləcək

Türkiyə ilə Suriya arasında münasibətlərin normallaşması ilə bağlı növbəti görüş Qazaxıstanın paytaxtı Astanada olacaq. Türkiyə, Suriya, Rusiya və İran xarici işlər nazirlərinin müavinləri iyunun 20-də görüşəcək.

"Operativ Media" xəbər verir ki, 11 ildən sonra Ankara ilə Dəməşq arasında ilk təmas ötən il dekabrın 28-də baş tutub.

Milli müdafiə nazirləri və kəşfiyyat rəhbərləri görüşdülər. Daha sonra xarici işlər nazirlərinin müavinləri və xarici işlər nazirləri də Moskvada görüşüblər.

Bu dəfə danışıqlar iyunun 20-də Astanada xarici işlər nazirlərinin müavinləri arasında keçiriləcək.