İyunun 28, 29-u Azərbaycanda Qurban bayramı günləridir.

“Operativ Media” bayram ərəfəsində ölkənin müxtəlif bölgələrində quzuların qiymətini araşdırıb.

Mərkəzi aran rayonlarında keçirdiyimiz sorğuda diri çəkisi 20 kq olan quzunun 170 AZN-dən başlayaraq təklif edildiyinin şahidi olduq.

Quzuların qiymətləri onların növünə (sort) və cinsinə görə dəyişə bilir. 

Şimal və qərb rayonlarında isə qiymətlər arasında 10-20 AZN fərq var. 

Bəzi yerlərdə diri çəkisi 20 kq olan quzu 200-240 AZN arası təklif olunur. 

Quzuların neçə aylıq olması da qiymətlərə təsir edən əsas faktorlardandır. 

Fermerlər bildirirlər ki, qiymətlər bayram yaxınlaşdıqca artacaq.