"Facebook", "Instagram" və "WhatsApp"ın sahibi Meta-nın "Twitter"ə rəqib olan yeni sosial media platforması "Threads"ə abunə olanların sayı 100 milyona çatıb.

"Operativ Media" xəbər verir ki, Meta-nın İcraçı Direktoru (CEO) Mark Zukerberq Threads hesabından platformaya qoşulan insanların sayı ilə bağlı son məlumatları paylaşıb.

""Threads" həftə sonu 100 milyon sayla rekord vurdu. Biz hələ bir çox funksiyaları aktivləşdirməmişik. Cəmi 5 gün olduğuna inana bilmirəm!”, - Zukerberq qeyd edib.

ABŞ mətbuatında yer alan xəbərlərdə Meta-nın mətn əsaslı "Threads" platformasının istifadəyə verilməsindən sonra "Twitter"də istifadəçilərin aktivliyi azalıb.