"Apple" sentyabrın 13-də "iPhone 15"in təqdimat tədbirini keçirəcək.

"Operativ Media" xəbər verir ki, bu barədə  "9to5Mac" mənbələrinə istinadən məlumat yayıb.

Şirkət sentyabr ayında "iPhone" tədbirini keçirməsi ilə tanınır. Ən çox "iPhone" təqaimatları çərşənbə axşamı günü olsa da, keçən ilki tədbir çərşənbə günü, sentyabrın 7-də keçirilib. 13 sentyabr həm də çərşənbə günü olduğundan, bu, "Apple"ın gələn ay xüsusi tədbirini keçirməyi seçdiyi tarix ola bilər.

Yeni "iPhone" haqqında:

Şayiələrə görə, "iPhone 15", ekranın ətrafında bir qədər əyri kənarları və daha incə çərçivələri olan yeni dizayna sahib olacaq. Dörd yeni modelin hamısı Lightning əvəzinə Dynamic Island və USB-C ilə təchiz ediləcək. Pro modelləri üçün "Apple"ın paslanmayan polad çərçivəni titandan hazırlanmış yenisi ilə əvəz edəcəyi gözlənilir.