İsrail polisi müharibə qurbanlarının əşyalarını toplayır

İsrail polisi HAMAS-ın hücumları nəticəsində həlak olan insanların əşyalarını toplayıb.

"Operativ Media" xəbər verir ki, polisin tərkibində yaradılan yeni qrup əşyaları tədqiq etməklə kimliyi bilinməyən hücum qurbanlarının şəxsiyyətini təyin etməlidir. Məlumata görə əşyalar 20 müxtəlif məntəqədən toplanıb. Şəxsiyyəti müəyyən olunanların əşyaları artıq sahiblərinə qaytarılıb. Qeyd edək ki, əşyaların əksəriyyəti 7 Oktyabrda “Nova” musiqi festivalına hücum zamanı öldürülən və ya girov götürülənlərə aiddir. Həmçinin festivala hücum zamanı yandırılan avtomobillərə də baxış keçirilib. Qeyd edək ki, müharibədə İsrail 1400 nəfər qurban verib, 240-dan çox insan isə hələ də HAMAS-ın girovluğundadır.