İsrail: Livandan ölkəmizə üç təyyarə daxil olub

Üç təyyarə Livandan İsrail hava məkanına daxil olub, biri hava hücumundan müdafiə qüvvələri tərəfindən zərərsizləşdirilib, digər ikisi isə İsrail ərazisinə düşüb. 

"Operativ Media" xəbər verir ki, bu barədə ordunun mətbuat xidməti məlumat yayıb.

"Bir müddət əvvəl üç təyyarə Livandan İsrail ərazisinə daxil olub. Biri İsrail Müdafiə Qüvvələrinin hava hücumundan müdafiə qüvvələri tərəfindən zərərsizləşdirilib, digər ikisi şimaldakı bir bölgəyə düşüb", - deyə məlumatda bildirilir.

Hərbçilərin sözlərinə görə, hazırda hadisə baş verən ərazidə heç bir təhlükə yoxdur: "Təhlükə aradan qaldırılıb. Hadisə ilə bağlı araşdırma aparılır".