Bild: Almaniya Ukraynaya hərbi yardımı ikiqat artırmaq niyyətindədir

Almaniya hökuməti gələn il Ukraynaya hərbi yardımı 4 milyard avrodan 8 milyard avroya çatdırmaq niyyətindədir. 

"Operativ Media" xəbər verir ki, bu barədə Almaniya Müdafiə Nazirliyindəki mənbələrinə istinadən "Bild" qəzeti yazıb.

Qəzetin sözlərinə görə, Almaniya Maliyyə Nazirliyi 2024-cü il dövlət büdcəsinə Ukraynaya hərbi yardım üçün ilkin olaraq 4 milyard avro vəsait daxil edib, lakin onun hamısı artıq cari layihələrə ayrılıb. Müdafiə Nazirliyində isə cəmi 120 milyon avro qalıb. Departament əlavə 5 milyard avro istəyib və bu həftə Nazirlər Kabineti 4 milyard avro ayırmağa qərar verib. Qəzet aydınlaşdırıb ki, Bundestaqın Büdcə Komitəsi müvafiq dəyişikliklərə gələn həftə baxmaq niyyətindədir.