Hindistanda sərnişin avtobusunun dərəyə düşməsi nəticəsində 36 nəfər ölüb

Hindistanda sərnişin avtobusu dağ yolundan çıxaraq dərin dərəyə düşüb.

"Operativ Media" xarici KİV-ə istinadən xəbər verir ki, qəza nəticəsində 36 nəfər ölüb, 19 nəfər xəsarət alıb, onların əksəriyyətinin vəziyyəti ağırdır.

Hadisə Srinagar şəhərindən 150 kilometr cənubda yerləşən Doda rayonunun Assar rayonunda baş verib. Avtobus Kiştvardan Cammuya doğru hərəkətdə olub.

Qəzanın səbəbi hələlik məlum deyil. "Sinxua" agentliyi xəbər verir ki, Hindistan prezidenti Draupadi Murmu və baş nazir Narendra Modi həlak olanların yaxınlarına başsağlığı verib.