Zelenski: Ukraynalı F-16 pilotları kifayət qədər təlim keçməyib

"Hazırkı təlimlərin həcmi kifayət qədər olmadığı üçün ukraynalı pilotlara F-16 qırıcılarını idarə etməyi öyrətmək məqsədilə təlim keçmək missiyaları genişləndirilməyi gözləyir".

"Operativ Media" xəbər verir ki, bu barədə Ukrayna prezidenti Volodimir Zelenski bildirib. 

"F-16-ya gəlincə, təlim missiyaları başlayıb. Hələlik, mənim nöqteyi-nəzərimdən, onlar minimaldır. Biz bunu sürətləndirmək və artırmaq istəyirik", - Zelenski Afrika ölkələrindən olan jurnalistlərlə görüşündə deyib. 

Eyni zamanda, prezident qeyd edib ki, Ukrayna pilot çatışmazlığı yaşayır, ona görə də eyni vaxtda çox sayda pilotu xaricə təlim keçmək üçün göndərə bilməz. Onun sözlərinə görə, ölkədə təcrübəli pilotların olmaması Ukraynanın hərbi təyyarə parkının itirilməsinə səbəb ola bilər.