Şakira vergi fırıldaqçılığı ilə bağlı Barselona məhkəməsinə çağırılıb

Dünya pop ulduzu Şakira İspaniya vergi məmurlarını milyonlarla avro aldatmaq iddiası ilə məhkəməsinin ilk günündə iştirak etmək üçün Barselona məhkəməsinə çağırılıb .

"Operativ Media" xəbər verir ki, bu barədə Daily Mail nəşri məlumat yayıb.

46 yaşlı Şakira 2012-2014-cü illər arasında İspaniya hökumətinə 14,5 milyon avro (təxminən 15,8 milyon dollar) vergi ödəmədiyinə görə altı ittihamla üzləşir.

O,  hər hansı qanun pozuntusunu rədd edib və borcunun hamısını ödədiyini bildirib.

Şakiranın mətbuat xidməti bildirib ki, o, artıq bütün borcunu və əlavə 3 milyon avro (təxminən 3,2 milyon dollar) faiz ödəyib.