Ukrayna-Polşa sərhədində yüzlərlə yük maşını həftələrdir növbə gözləyir

Ukrayna-Polşa sərhədində yüzlərlə yük maşını qarlı havada həftələrdir növbə gözləyir.

"Operativ Media" xəbər verir ki, buna səbəb polşalı yük avtomobili sürücülərinin sərhəd keçid məntəqələrini bloklaması olub. Onlar ölkəyə daxil olan Ukrayna yük maşınlarının biznesdə rəqabətli mühitə mənfi təsir etdiyini bildiriblər. Sürücülər əvvəllər qüvvədə olan “Ukrayna qeydiyyat nişanlı maşınların Polşaya daxil olmasını məhdudlaşdıran qanun”un yenidən bərpasını tələb edirlər. Məlumata görə, polşalı sürücülər Ukraynaya yalnız cəbhəyə yük daşıyan maşınların keçidinə icazə verəcəklər.