Cənubi Koreya-ABŞ alyansı ilə Şimali Koreya arasında münasibətlər yenidən gərginləşib

Şimali Koreya Yer orbitinə buraxılmış kəşfiyyat peykindən ABŞ-nin Sakit Okeandakı ən böyük strateji hərbi bazasının yerləşdiyi Quam adasının görüntülərini alıb.

"Operativ Media" xəbər verir ki, ölkə lideri Kim Çen In Pxenyandakı kosmik gəmilərin idarəetmə mərkəzinə səfər edib və görüntülərə baxıb. Kim Çen In ABŞ-nin “USS Carl Vinson” aviadaşıyıcısını və “USS Santa Fe” atom sualtı qayığını regiona yerləşdirdiyini xatırladaraq siyasətini legitimləşdirib. Seul buna cavab olaraq koreyalararası hərbi paktdan birtərəfli qaydada çıxdığını bəyan edib. “Cənubi Koreya-ABŞ alyansının münasibəti sərt olacaq” – deyə rəsmi Seulun bəyanatında bildirilir. Həmçinin Cənubi Koreyanın müdafiə naziri Şin Von “USS Carl Vinson” aviadaşıyıcısını ziyarət edib.