Kanada və Aİ Tayvan ətrafındakı vəziyyəti zorla dəyişdirmək cəhdlərinə qarşı çıxıb

"Kanada və Avropa İttifaqı (Aİ) Çin ilə konstruktiv və sabit münasibətlərin tərəfdarıdır və Tayvan ətrafındakı vəziyyəti zorla dəyişdirmək cəhdlərinə qarşıdır". 

"Operativ Media" xəbər verir ki, bu barədə Kanada-Aİ sammitinin yekun bəyanatında deyilir.

Sənəddə bildirilib: "Biz Çinlə konstruktiv və sabit əlaqələr qurmağa, o cümlədən qlobal məsələlərdə əməkdaşlıq etməyə hazırıq. Xüsusilə, Ottava və Brüssel Pekin ilə iqlim dəyişikliyi və biomüxtəlifliyin itirilməsi, ictimai sağlamlıq və pandemiyaya hazırlıqla bağlı əməkdaşlığa hazırdır.

Biz Tayvan boğazında gərginliyin artması ilə bağlı ciddi narahatlığımızı davam etdiririk. Status-kvonun güc və ya məcburiyyət yolu ilə dəyişdirilməsinə yönəlmiş hər hansı birtərəfli cəhdlərə qəti şəkildə qarşıyıq. Tayvan boğazının hər iki tərəfində sülh və sabitliyin vacibliyini vurğulayırıq və sülh yolu ilə həllə çağırırıq".