Yaponiya və Cənubi Koreya Şimali Koreyanın kəşfiyyat peyki daşıyan raketin buraxılışını pisləyib

Yaponiyanın xarici işlər naziri Yoko Kamikava və onun cənubi koreyalı həmkarı Park Çin Pusanda danışıqlar zamanı noyabrın 21-də Koreya XalqDemokratik Respublikasının (KXDR) ilk kəşfiyyat peykini orbitə buraxmasını pisləyiblər. 

"Operativ Media" xəbər verir ki, bu barədə Yaponiya Xarici İşlər Nazirliyinin yaydığı bəyanatda deyilir.

"Nazirlər KXDR-in ballistik raketinin buraxılışını qətiyyətlə pisləyiblər. Bu, BMT Təhlükəsizlik Şurasının qətnamələrinin açıq şəkildə pozulmasıdır", - deyə departamentin bəyanatında vurğulanıb. 

Bundan əlavə, Kamikava Yaponiya vətəndaşlarının Şimali Koreya kəşfiyyat xidmətləri tərəfindən oğurlanması məsələsini dərhal həll etmək üçün Cənubi Koreya hökumətinin ardıcıl dəstəyinə görə minnətdarlığını bildirib.