İranın cənubunda 4,2 maqnitudada zəlzələ baş verib

Bazar günü İranın Hörmüzqan əyalətində 4,2 bal gücündə zəlzələ baş verib.

"Operativ Media" xəbər verir ki, bu barədə "Mehr" agentliyi məlumat yayıb. 

İran Seysmoloji Mərkəzinin məlumatına görə, zəlzələ yerli vaxtla saat 14:15-də Bəndəre Xamirdə, 20 km dərinlikdə baş verib.

Zəlzələnin coğrafi koordinatları 55,74 dərəcə uzunluq və 27,1 dərəcə enlikdə yerləşib.

Hələlik mümkün tələfat və ya binalara ziyan dəyməsi barədə məlumat yoxdur.