Rusiya ilə Polşa arasında 30 il əvvəl imzalanan saziş dayandırılıb

"Rusiya və Polşa arasında ətraf mühitin mühafizəsi sahəsində əməkdaşlıq haqqında 1993-cü ildə imzalanmış müqavilənin müddəti noyabrın 25-də başa çatıb". 

"Operativ Media" xəbər verir ki, bu barədə Rusiya Xarici İşlər Nazirliyi məlumat yayıb.

"25 noyabr 2023-cü ildə Rusiya Federasiyası hökuməti ilə Polşa hökuməti arasında ətraf mühitin mühafizəsi sahəsində əməkdaşlıq haqqında 1993-cü il avqustun 25-də Varşavada imzalanmış sazişə xitam verilib", - Rusiya diplomatik departamenti bildirib.

Saziş ətraf mühitin mühafizəsi və qarşılıqlı ekoloji təhlükəsizliyin təmin edilməsi, xüsusilə sərhədyanı ərazilərdə, o cümlədən Baltik dənizində tədbirləri nəzərdə tuturdu.