Rusiya XİN: Moskva ilə Vaşinqton arasında münasibətlərin yaxşılaşması perspektivi yoxdur

"2024-cü ildə ABŞ-də prezident seçkilərinin nəticələrindən asılı olmayaraq, Moskva ilə Vaşinqton arasında münasibətlərin yaxşılaşması perspektivi görünmür". 

"Operativ Media" xəbər verir ki, bunu Rusiya Federasiyası xarici işlər nazirinin müavini Sergey Ryabkov deyib.

"Birləşmiş Ştatlarla münasibətlərə gəlincə, mənim fikrimcə, münasibətlərin yaxşılaşdırılması və xüsusən də bu gün hansısa yüksəliş tendensiyasına keçməsi üçün sadəcə olaraq heç bir perspektiv yoxdur", - nazir müavini bildirib.

"Buna görə də, ABŞ ilə münasibətlərdəki dərin böhranı idarə etmək və Çinlə tərəfdaşlığı hərtərəfli qurmaq və dərinləşdirmək, düşünürəm ki, bizim irəliləyəcəyimiz yoldur", - Ryabkov yekunlaşdırıb.